काठमाडौं । काठमाडौंको सुन्धारास्थित सिभिल मलमा एक जना व्यक्तिले आफैंमाथि पेट्रोल छर्किएर आगो लगाएका छन्। उनको घाइते अवस्थामा उद्धार गरी ट्रमा सेन्टरमा उपचार भइरहेको छ ।

बिहीबार पौने १२ बजे आसपासको समयमा सिभिल मलको भुइँ तलामा एक पुरूषले आफैंमाथि पेट्रोल छर्किएर आगो लगाएको प्रहरीले जनाएको छ । अन्दाजी ३० वर्षीय विशाल लामिछानेले आफैंमाथि आगो लगाएका हुन्।

उनको उद्धार गरी राष्ट्रिय ट्रमा सेन्टर अस्पतालमा उपचार भइरहेको र घटनाको अनुसन्धान पनि भइरहेको प्रहरीले जनाएको छ।

काठमाडौं। जनमत पार्टी संसदीय दलका नेता चन्द्रकान्त राउत (सिके राउत)ले पुराना विमान चलाउन अनुमति दिनेलाई कारबाही गर्नुपर्ने बताएका छन्। बिहीबार जारी प्रतिनिधिसभाको बैठकमा उनले पुराना विमान चलाउन अनुमति दिनेलाई कारबाही गर्न कुन कानुनले रोकेको भन्दै प्रश्न गरे।

उपप्रधान तथा गृहमन्त्री रवि लामिछानेलाई प्रक्रियामात्र सीमित नरहन सुझाव दिँदै उनले भने, ‘साइकल वा मोटरसाइकल दुर्घटना भयो भने तत्कालै पक्राउ गरेर छानबिन थालिन्छ । तर, पुराना विमान चलाउने, चलाउन अनुमति दिनेलाई किन कारबाही हुँदैन?’

गत १ माघमा काठमाडौंबाट पोखरा उडेको चालक दलका चार सदस्यसहित ७२ जना सवार यती एयरलाइन्सको विमान दुर्घटनामा परेको थियो। उक्त दुर्घटनाका विषयमा जारी प्रतिनिधिसभाले विशेष प्रस्ताव पारित गर्ने भएको छ।

LEAVE A REPLY

Please enter your comment!
Please enter your name here