काठमाडौ :- नायिका “प्रियंका कार्की” ले अब आफू लाई कसैले पनि छुन नसक्ने बताएकी छिन् । फिल्म ‘चि मुसी चि’को प्रचारका क्रममा मेरो फिल्म सँग कुरा गर्दै नायिका “कार्की” ले भनिन–‘सबैलाई थाहा छ मेरो पहिलो घरबार बिग्रिएको थियो ।

त्यसपछि मेरो फेरि नयाँ घर बस्छ कि बस्दैन भन्ने चिन्ता मेरो परिवारलाई थियो । सबैले काम गर्ने त हो, अरू के नै होला र भन्ने सोचेका थिए । त्यो बेलामा म आफै पनि फ्री दिमागले काम गर्न सकेकी थिइन् ।

तर, अहिले त सबै कुरा राम्रो भएको छ । माया गर्ने श्रीमान्, प्यारी छोरी छिन् । अब, त म रोकिनेवाला नै छैन । मलाई अब कसैले छुन सक्छ जस्तो नै लाग्दैन ।’

नायिका कार्कीले आफू कहिले पनि नहराएको दाबी गर्छिन् । भन्छिन्–‘बिहे लगतै कोरोना आएकाले पनि हराएको जस्तो लागेको हुनुपर्छ । तर, त्यो समयलाई मैले सदुपयोग गरेँ भन्ने लाग्छ ।

त्यो बेलामा धेरै कामहरू रोकिएकाले पनि हराएको जस्तो देखिएको हो । तर, अब त म फेरि व्यस्त हुन थालेकी छु । मसँग काम नै काम छ । फिल्मको अफर पनि आइरहेको छ । रियालिटी शोदेखि विभिन्न कार्यक्रममा व्यस्त छु ।’

प्रियंकाले आफू फिल्ममा काम गर्नकै लागि जन्मिएको दाबी गरिन् । उनले अगाडि भनिन्–‘मलाई खासै अरू काम गर्न आउँदैन । मैले जानेको पनि फिल्मी दुनियाँ हो ।

यसैले, म अब रोकिने वाला नै छैन । म आफूलाई फिल्ममा काम गर्न नै जन्मिएको हुँ कि जस्तो लाग्छ ।

LEAVE A REPLY

Please enter your comment!
Please enter your name here