काठमाडौं । नेपाल र भारतमा लगातार भूकम्पका धक्का आइरहेका बेला अब जापानमा सोमबार शक्तिशाली भूकम्पको धक्का महसुस गरिएको छ । जमिन हल्लिएपछि मानिसमा त्रास फैलिएको छ । जानकारी अनुसार भूकम्पको तीव्रता रेक्टर स्केलमा ६ दशमलव १ मापन गरिएको छ ।

एजेन्सीका अनुसार भूकम्पको धक्का महसुस भएपछि मानिसमा हल्लाखल्ला फैलिएको थियो । सबैजना घर र कार्यालयबाट बाहिर निस्कन थाले। घटना जापानको टोबामा भएको बताइएको छ । भूकम्पको केन्द्रबिन्दु राजधानी टोकियोबाट ८४ किलोमिटर दक्षिणपूर्वमा रहेको थियो ।

भूकम्पको शक्तिशाली धक्कापछि टोबाका बासिन्दा त्रासमा छन् । वास्तवमा ६ दशमलव १ रेक्टर स्केलको भूकम्प यति गहिरो थियो कि घरमा रहेका पंखा र झूमर हल्लाउन थालेको थियो । हतारमा मानिसहरु आत्तिएर बाहिर निस्के । तर, अहिलेसम्म भूकम्पका कारण कुनै पनि मानवीय वा धनमालको क्षतिको समाचार आएको छैन ।

सोमबार बिहान पञ्जाबको अमृतसरमा भूकम्पको धक्का महसुस गरिएको थियो । यसको तीव्रता रिक्टर स्केलमा ४.१ मापन गरिएको थियो । सोमबार बिहान करिब ३ बजेर ४२ मिनेटमा भूकम्प गएको हो । यसअघि शनिबार राति नेपाल केन्द्रविन्दू रहेको भूकम्प गएको थियो ।

अर्कोतर्फ गत साता पनि नेपालमा भूकम्पका धेरै धक्का महसुस भएका थिए । राष्ट्रिय भूकम्प अनुगमन तथा अनुसन्धान केन्द्रका अनुसार पश्चिम नेपालको बाजुरा जिल्लाको खादामा केन्द्रबिन्दु भएर भूकम्प गएको थियो । यो क्षेत्र राजधानी काठमाडौंबाट ७५० किलोमिटर टाढा छ ।

LEAVE A REPLY

Please enter your comment!
Please enter your name here